|
Utlysing av stillingar skjer i Easycruit. Utlyste stillingar ligg under link "ledige stillingar" på heimesida til kommunen https://vik.easycruit.com/. Tenesteleiar som skal lyse ut stilling, skal gjere dette i samråd med personalsjefen. Alle stillingar skal vurderast i tilsetjingsutvalet. Søkjaren søkjer elektronisk på stillinga. Når fyrste søkjar kjem inn, genererar det automatisk ei ny sak i Acos. Tilsetjingsutvalet består av personal- og organisasjonsleiar, gjeldane tenesteleiar og aktuelle organisasjonsforbund. Personal sender ut tilbod om stilling med e-signering. Når tilsetjingsbrevet blir signert, vert arbeidsavtale sendt ut. Andre søkjarar får avslagsbrev. Alle dokument i Easycruit blir automatisk integrert i sak- arkivsystemet Acos. For stillingar der det vert stilt spesielle krav til helse, skal det leggast fram tilfredsstillande legeattest. For stillingar i barnehage, skule og pleie og omsorg må det før tiltreding ligge føre tilfredsstillande politiattest. Dette skal kome fram i arbeidsavtalen. Politiattesten blir levert av arbeidstakar til næraste leiar, som sjekkar attesten, og kvitterar ut at arbeidstakar har levert politiattest som er ok. Dersom attesten ikkje er tilfredsstillande, må tilsetjingssaka stoppe opp. Attestane skal ikkje nyttast til andre føremål enn det dei er henta inn for, og skal ikkje lagrast lenger en det som er nødvendig ut frå føremålet med den. Politiattest er å rekne som saksdokument, og det skal framkomme i journal at slikt dokument er førelagt. Politiattesten skal registrerast i Acos på personalmappa til vedkommande. Standardark med tittel "politiattest levert" blir lagt inn på personalmappa, og politiattesten bli oppbevert i godkjent arkivrom til den blir makulert etter omlag eitt år.
Teieplikt:
Alle arbeidstakara pliktar å underskrive erklæring om teieplikt jfr. Forvaltningslova § 13. Teieplikta gjeld også etter at arbeidstakar har slutta i tenesta. Når ei sak er underlagt teieplikt i medhald av lov, regel eller føreskrift, eller når det følgjer av saka si art, må ingen arbeidstakarar omtale saka med utanforståande. Utover dette må saka berre omtalast når det er påkravd som følgje av handsaminga. Created by NXC AS |